قصيدة خلف بن هذال في شتم وسب وهجاء صدام

الخميس مارس 22, 2012 3:15 am

سووا لي الكيف و ورهولي من الدله البن الأشقر يداوي الراس فنجاله
كيفٍ لنا نحرقه بالنار ونزله وليا انقطع من وراء صنعاء عنينا له
البارح الليل ما غمضت به كله أراقب الصبح جالسٍ و تحرى له
أبعثر شريطٍ مضى وطويه وفله واقول من يحفظ التاريخ لجياله
قل للعراقي يفتش جعبته قله يلقى بها شيء ما يطرى على باله
الهم والغم والطاعون والعلة حقه لحاله كفايه حقه لحاله
من صفحة ذاقها بانت بها الخله يذكر هزيمة شهر شعبان وهلاله
قام الثعل يشتغل ويشاغل الشلة عزة وطارق وعد عدي ومثاله
يذبح ويصلخ يده حمراء ومبتلة شيٍ يخلي جبين الحر يندى له
يا ناس يا ويل من هذا زعيمٍ له الشعب في وضع يؤسف له ويرثى له
شعب شرب كره كرهٍ له يتفل على صورته ويدوس تمثاله
تبت يدا بو لهب تبٍ وتب له ولي معه بالحطب للقوم حماله
مقبل على طبخة بالحيل تعمل له يوخذ بها الثار والثورة تسوى له
حتى نسيبه ولد خاله تحيل له لغم له الهيلوكبتر ونشدوا خاله
الله ما يهمل الظالم ويمهل له وان طال به عمرٍ أخس شوي وأردى له
الحكم منهار والأحزاب منحله ما خس من حالةٍ فيها ولا حاله
من ردى حظه تهل بيته يسوى له صار الشجر قوم بعيونه يورى له
من كثر ما يلتميه يخاف من ظله ومن يعلم الغيب لو عدي قتاله
صدام أنا بنشدك ويش انت حي له مثلك بغبنه يموت وموته أشوى له
ما عاد تملك من السلطة خبر لله خارج عن السيطرة دولتك منزاله
جمع عضامك سوات مجمع الخله وحرق بها مادراى بغداد برجاله
الجيش يرزح تحت ذل من الذلة والشعب مسكين تضحك له وتغتاله
وإذاعتك يا سويد الوجه منشله ما عندك إلا يلا له يا لا لا لا له
إي بالله أسمعك زين إي بالله وليا تبين عدو منا وحنا له
ما تدري إنا نعقد الحبل ونحله بالعسر واليسر حلاله وفتاله
نعسف الصعب ثم يجيك مزينٍ دله أبيك ما يشتكي عرقوب جماله
ما نقتنع بالهجاج نصبح الحلة مع الغطاليس رجلية وخياله
والدار ما هيب يا صدام محتله ما استعمرت قبل حكم العود وعياله
واليوم عنها نسن السيف ونسله من شط وأخطاء الطريق نصلح أحواله
والفهد تخسَ عنه منت بقبيل له وطأ برجله على غاربك بنعاله
منته بكفوه ولا شرواك كفوٍ له الفهد يكرم عن المشبوه واشكاله
الفهد عز العَرب والعُرب عزٍ له وكم دولة ٍ تستغيث المال من ماله
العادل العدل والاسلام شرع له والبيعة للمسلمين البيعة أولى له
ولأنت مهزوم لا مذهب ولا ملة مقطع أربع تطيح بكل محباله
من ما بظلمك تخدع الشعب وتضله مفسد ويدعى عليك والفهد يدعى له
وين انت يلي له العذراء تكحله يقوم لعيونها وتشوم لفعاله
من طيب أبوها تبا وصفه حليلٍ له يقلط على شوفة البارود وظلاله
أبيك في لازم قدك وقدٍ له قمر عربسات يبرى لك وتبرى له
امر ضروري وخلك مستعد له منت مراسل تجي وتروح برساله
عندك مهمه وقلبك ما برد غله جدول مسيرك تعرف العام مدهاله
أركب على اللي قنابلها من السله بمكبرات الصور في الجو جواله
أخذ المدرج وتل بريكها تله وخفق بها خفقة الكدري لمقياله
ونحر بها خاين النهرين وفطن له لاذكر بالخير في حله وترحاله
حدد مكانه بتلسكوب ونزل له انزل رويدا رويدا واكبس الآله
حربيةٍ عادين سوداء تسلله تسلله من جهة عمّان وجباله
جاته من الغرب عبر أجواء صديقٍ له تحمل على متنها حزنه وسلاله
ترسم هدفها على الليزر وترسل له إشارة الضبط والمضرب تهيا له
ما ترفع ما تحمله ترفعه مترين وتفله مع ذرة الشمس في قصره تحمى له
تعطيه ضربة تدك القبو بالفله والشر فاله وفال الله ولا فاله
من شدة الانفجار أقول بسم الله تهتز الاهواز والبصرة بزلزاله
في سُبع الارض تحفر له وتدفن له من تحت الانقاض والإنقاذ ما شاله
ياخذ سنه يلتهب قبوه كما الملَه يذوب صنقل الساعة وسلساله
ثم خل غيره يشوف ويعتبر خله ولي يبي مثلها بالحال تفنى له
الضعف ما حطه الطيب سبيل له زنقيل ومن لا يعيل تجيه عياله